Jekeso

ZUJ yoshushikana nekuzvindwa kwevatori venhau

ZUJ yoshushikana nekuzvindwa kwevatori venhau

Sangano rinomiririra vatori venhau reZimbabwe Union of Journalist (ZUJ)riri kushushikana nokushungurudzwa pamwe nekurohwa kuri kuitwa vatori venhau panguva dzavanenge vachiita basa ravo.

ZUJ yanyora tsamba zvichitevera kurohwa kwakaitwa mutori wenhau weNewsHawks Ruvimbo Muchenje nevanofungidzirwa kuti ndevanochengetedza runyararo vebato reCitizens Coalition for Change (CCC) pamusangano wekutsvaga rutsigiro wakaitirwa munhandare yeGahadzima kuChinhoyi.

Sangano iri rakakurudzira mapato ezvematongerwo enyika kuti vatendere vatori venhau kuita basa ravo pasina kumbunyikidzwa

’tinokurudzira mapato ezvematongerwo enyika kuti vatendere vatori venhau kuita basa ravo pasina kutyisidzirwa kana kupinza upenyu hwavo munjodzi’’ rakanyora kudaro sangano iri.

Vatori venhau vanoshungurudzwa kazhinji munguva dzesarudzo izvo zvinoita kuti vashande basa iri vakabatira hana mumaoko

Muna Nyamavhuvhu 2022 vamwe vatori venhau vanoti Tongai Mwenje, Toneo Rutsito, Pellagia Mpurwa na Chelsea Mashayamombe vakarohwa kuGokwe pamusangano wezvematongerwo enyika nevatsigiri vaifungidzirwa kuti ndeve Zanu Pf .

Vatori venhau zvikuru vanhukadzi votyira basa ravo zvikuru nguva yesarudzo dziriko gore rinouya

Kana pakasatorwa matanho akasimba mhirizhonga iyi ingona kuwedzera uye vazhinji vanogona kupinda panjodzi

Mhinduro (0)

Dzimwe nhau