Kumiswa kwe USAID koshungurudza vaive vashandi vesangano iri

03 Mar 25

USAID yakavhara muzinda wayo uyo waive kuWashington DC kuAmerica zvichitevera zvisungo zvavaTrump kumbomisa rubatsiro kune dzimwe nyika.

Vanhu vane chitsamha vakaungana musi wechina 27 Kukadzi 2025 vakaratidzira nekutsutsumwa nekuda kwedanho rakatorwa navaTrump apo vaive vashandi vesangano iri vaitora zvinhu zvavo kubva pamahofisi avaishandira.

Vamwe vaive vashandi vakakwanisa kutaura nevatori venhau vakati ivo vari kushushikana nedanho iri sezvo vana vazhinji vanga vachiwaniswa zvekudya kubudikidza nezvirongwa zvesangano iri vachaziya nenzara.

‘’izvi zvinoreva kuti vana vanosvika mamirioni vachashaya zvekudya…’’ akadaro mumwe mudzimai ayishandira sangano iri.

Sangano reUSAID ranga rine vashandi vanodarika zviuru gumi , vazhinji vavo vakatorasikirwa nebasa uye mamwe mahofisi esangano iri kune dzimwe nyika kusanganisira Zimbabwe akatovharwa.

Sangano iri ranga richibatsira vanhu zvikuru kunyika dzichiri kubudirira nezvirongwa zvinosanganira kuwanisa zvekudya pamwe nemishonga.

USAID iri kupomerwa mhosva yekusashandisa mari zviri pachena uye paine mashoko kuti mari zhinji yaizogumira yave mumaoko ezvigananda