Mushakabvu Nicholas Zacharia akaradzikwa kuChiweshe

15 Dec 25

Muyimbi akaita mukurumbira mushakabvu Nicholas Zacharia (69) akaradzikwa kuchiweshe musi wa14 Zvita 2025.

Mushakabvu Zacharia uyo akanga achizivikanwa nezita remadunhurirwa rokuti Senior Lecturer akashaya musi wa 11 Zvita muguta reHarare mushure mokurwara kwenguva refu.

Zacharia ndiye mumwe wevaimbi vakaita kuti musambo weSungura uve nemukurumbira munyika.

Mugore ra1984 akavamba chikwata cheKhiama Boys umo makabuda vayimbi vane mukurumbira kusanganisira Aleck Macheso nemushakabvu System Mutazvida.

Chikwata che Khiama Boys chakabura nziyo dzakaita mukurumbira dzinosanganisira mabhauwa ,Kuva nemari ,Ruregerero ,Kubva Kure ,Kutambura,Chikumbiro nedzimwe.