04 Nov 25
Apo makwikwi eCastle lager Premier league emwaka wa2025 onanga kwamvura yacheka makumbo chikwata cheScotland FC ndicho chatotora mukombe kwangosara mitambo miviri chete kuti makwikwi aya apere.
Scottland FC yakapinda mumakwikwi aya gore rino ,asi chakakwanisa kutamba mitambo yacho zvakanaka kukurira zvimwe zvikwata zvave nemakore zviri mumakwikwi aya.
Pamitambo makumi matatu nemiviri Scottland FC ine mapoinzi 65 apo yakakwanisa kukunda gumi nemipfumbamwe ,chikwata ichi chakaita mangange mitambo misere uye chakakurirwa pamitambo mishanu.
Chikwata cheMWOS FC ndicho chiri kufemera mugotsi chiine mapoinzi 58 uye Simba Bhora FC iri pachinzvimbo chetatu ine mapoinzi 57.
Vatsigiri nevaongorori venhabvu vanoti kubudirira kwechikwata ichi kunosanganisira zvikonzero zvakati kuti zvinoti kuwanikwa kwemari yokufambisa mabasa echikwata ichi , uye nekukwanisa kutenga vatambi vane mukurumbira avo vanosanganisira Khama Billiart zvakaita kuti chive chikwata chakasimba zvakare chakatsiga.
Murairidzi wechikwata ichi Tonderai Ndiraya naye akacherechedzwa somurairidzi akakunda vamwe mumwedzi waGumiguru mumakwikwi aya.
Posted on:07 Aug 2025
Posted on:11 Feb 2025
Posted on:22 Nov 2024
Posted on:22 Nov 2024
Posted on:02 Jul 2024
Posted on:04 Apr 2024
Posted on:06 Feb 2024
Posted on:21 Nov 2023
Posted on:16 Nov 2023
Posted on:05 Jun 2023
Posted on:14 Dec 2022
Posted on:01 Nov 2022