VaNcube vakakumikidza chikoro cheMudzengi Puraimari kwaChirumanzu

04 Mar 25

Gurukota rinoona nezvekufambiswa kwemabasa nebudiriro mudunhu reMidlands vaOwen Mudha Ncube vakakumikidza makirasi ekudzidzira kwaChirumhanzu musi wemuvhuro 03 Kurume 2025.

Makirasi akakumikidzwa ndeepachikoro cheMudzengi Primary school apo pakavakwa mipanda mitatu nemari inosvika madhora zviuru zana negumi zvemari yekuAmerika.

Mari yakatsigira chirogwa ichi imari yakabva kumatunhu (Devolution Funds),Delta corporation uyewo mari dzakaunganidzwa kubva munharaunda iyi.

Vadzidzi kubva munharaunda iyi vayisifamba chimhambo makiromita mapfumbamwe kusvika kuma kiromita makumi maviri nerimwe kuenda pazvikoro Utah,Chiodza neNetherburn.

Vachitaura pachiitiko ichi gurukota vaNcube vakati izvi zvakagoneka nekuda kwechirongwa chehurumende chekusimudzira nharaunda kuchishandiswawo zviwanikwa zvakaikomberedza.Kuburikidza nechirongwa ichi nharaunda dzinosimudzirwa nekuvandudzwa kuitira kuti upenyu hwevagari venzvimbo idzi huvandudzike.

‘’ndinoda kutenda bazi rezvefundo yePuraimari nesekondari rakatangisa chirongwa ichi chokuvaka chikoro chemhando yepamusoro kubudikidza nerutsigiro runobva kumasangano anotsigira budiriro pamwe chete nevakazvimirira’’

‘’ndinoda kutenda delta corporation yakabatana neChirumhanzi Rural District Council nevagari vemunharaunda nekuvaka kwavakaita mumwe mupanda wezvivakwa zvitatu zvine makirasi ekudzidzira.’’

‘’ nhasi ndichange ndichikumikidza zvivakwa izvi pamwe nemidziyo yekugarira nematafura.’’ Vakadaro vaNcube.

Chikoro cheMudzengi chine vana mazana maviri nevapfumbamwe pamwe nevarairidzi vasere.