VaVictor Matemadanda vakashaya

21 Jun 26

Click here to watch video

VaVictor Matemadanda avo vaive mumiriri weZimbabwe kunyika yeMozambique neEswatini vakashaya.

Mumashoko akaziviswa nemunyori mukuru mubazi rekufambiswa kwemashoko vaNick Mangwana pamasaisai e X,vakati ivo vaMatemadanda vakashaya usiku hwemusi wa20 Chikumi 2026.

Hapana zvizhinji zvati zvaziviswa maererano nechikonzero cherufu rwavo panguva yekunyorwa kwenyaya iyi

VaMatemadanda vaive murwi wehondo yerusununguko ,zvakare vakamboita mutevedzeri wegurukota rinomirira varwi vehondo yerusununguko re Zimbabwe National Liberation War Veterans Association - ZNLWVA.

Mugore ra2018 vakasarudzwa kuita mumiriri weGokwe Central mudare reparamende.

Vaizivikanwa mune zvematongerwo enyika semunhu ayiburitsa zviri mupfungwa pasina kutya.

Mugore ra2021 vakadomwa nemutungamiri wenyika vaEmmerson Dambudzo Mnangagwa kuti vave mumiriri weZimbabwe kunyika yeMozambique.