Vanasikana vakabudirira kupinda vanakomana mubvunzo dze O level

23 Jan 24

Zvakabuda mubvunzo dze O level dzakanyorwa gore rapera zvavepo uye vanasikana vakabudirira kupinda vanakomana.

Sachigaro webhodhi re ZIMSEC muzvinafundo Eddie Mwenje vazivisa kudaro nhasi 22 Ndira 2024.

Mumashoko avo vati ivo , vadzidzi 270 129 vakanyora bvunzo dzemuna mbudzi 2023 zvichienzaniswa nevadzidzi 278 760 vakanyora panguva imwe chete mugore ra 2022. Zvichireva kuti pakave nekuderera kwehuwandu hwevakanyora bvunzo nezvikamu zvitatu nechimwe chete kubva muzana 3.1%.

Pavadzidzi vechisikana 141 698 vakanyora bvunzo idzi gore ra 2023 ,96 963 vakanyora zvidzidzo zvishanu nekuraudzira , vakabuda nezvidzidzo zvishanu zvichikwira vanosvika 29 094.

Izvi zvinoreva kuti kwakapasa vadzidzi zvikamu makumi matatu kubva muzana 30%.

Pavadzidzi vechikomana vakanyorawo bvunzo idzi vakange vari 128 431 ,uyewo vakanyora zvidzidzo zvishanu kana kudarika vaisvika 88 088 , vakapasa zvidzidzo zvishanu kana kudarika vaive 25 596.

Zvichireva kuti vakapasa vaive zvikamu makumi maviri nezvipfumbamwe 29%.

Madziva avewo mazambuko .Iyi ndiyo sanduko yavepo mune zvefundo apo mumakore adarika vanasikana vainge vakasarira zvikuru zvichienzaniswa nevanakomana.

Nhasi uno vave kukwanisa kuwana mikana yakafanana izvo zvotaridzwa nekubudirira kwavo mubvunzo zvichienzaniswa nevanakomana.

Kuburikidza nezvirongwa zvakatsaukana zve hurumende ichibatsirana nemasangano akatsaukana ,zvave pachena kuti mwanasikana anogona kubudirira kutopinda mwanakomana.

Tsika dzechivanhu nezvitendero ndizvo zvanga zviri zvimhingamupinyi zvikuru sezvo zvaitarisira pasi upenyu hwemwanasikana uyo ayinzi ndevekuzvara vana nekuita mabasa epamusha.

VaMwenje vati ivo vatungamiri vezvikoro vanogona kunotora zvakabuda mubvunzo idzi kumahofisi Ezimsec ari kumatunhu avo.

Zvakabuda izvi zvinogona kuonekwawo padandemutande reZIMSEC www.zimsec.co.zw.

get cytotec for sale

30 Nov 2024 01:25 AM

And now the patient you give the recommendation, okay cheap cytotec without dr prescription

unsommump

16 Nov 2024 02:29 AM

Next to the storage yard is the former coolie camp, Now the coolie camp is no longer the stinking garbage dump of the past, and five rows of simple wooden medical abbreviation for high blood pressure huts have replaced the original pig shacks cronadyn vs priligy