17 Jan 25
Zvakabuda mubvunzo dze danho re’O’ level dzekupera kwegore ra2024 zvavepo.
Vachitura mashoko avo kuvatori venhau nhasi muguta reHarare ,sachigaro wehutungamiri hweZimbabwe Examination Council muzvinafundo vaPaul Mapfumo vazivisa kuti zvakabuda mubvunzo zvavekukwanisa kuoneka padandemutande reZimsec kubva nenguva dza 4 kuvira kwezuva ranhasi 17 Ndira 2025.
Vakazivisawo kuti vatungamiri vebvunzo vanokwanisa kunotora zvakabuda mubvunzo dzezvikoro zvavo kana nzvimbo dzekunyorera , kumahofisi ari kumatunhu avo nemuvhuro 20 Ndira 2025.
Zvabuda zviri kutaridzira kukwirira kwevadzidzi vakubudirira muzvifundo izvi nezvikamu zvitatu kubva muzana mugore ra2024 kubva mugore ra2023.
Mubvunzo idzi zvikamu makumi matatu nezvitatu kubva muzana munyika yose ndivo vakabudirira mugore ra2024 ,zvichienzaniswa nezvikamu makumi maviri nezvipfumbamwe mugore ra2023.
Vadzidzi vave kukwanisa kuona zvavakabuda nazvo kubva padandmutande re zimsec zimsec.co.zw. iro richange rakazarurwa kwemazuva mashanu.
Posted on:22 Nov 2024
Posted on:22 Nov 2024
Posted on:22 Nov 2024
Posted on:02 Jul 2024
Posted on:04 Apr 2024
Posted on:06 Feb 2024
Posted on:21 Nov 2023
Posted on:16 Nov 2023
Posted on:05 Jun 2023
Posted on:14 Dec 2022
Posted on:01 Nov 2022